رواية صعيدية كاملة
اهتمي بيا خليكي جمبي وبرضك تتكلم عن الناس وتشوف عيوبهم عمرها ما شافت عيوبها وعلي يدك اخر مرة اتهمت خديجه انها بتسحر
لاخويا منعم والبنيه طلعت القرنفل من جيبها ياما انا كده مرتاح ومراتي التانيه مريحاني عالآخر وهي اهه فوق وكل طلباتها مجابه ومش بقصر الايام مقسمها بما يرضي الله.
ام منير اقولك ايه ياولدي بس برضك انت استعجلت وكمان متقولناش الي حصل حصل اهم حاجه ياولدي تعدل بينهم عشان هتتحاسب عليهم
ام منير ربنا يسترها معاك انت واخوك. ويفرحني بعوضه عن قريب كان نفسي هو الي يتجوز
منير ياما ما انا عندي عيال بس مرتحتش الراحه مش بالعيال ياما ربنا يكرمه بالذرية الصالحه من خديجة ان شاء الله
ام منير يارب ياولدي يالا بقا عشان نروحوا بيت عمك كتب كتاب يونس هتاخد انهي من مرتاتك هههههههههه..
ام منير ماشي ياولدي
في شقة شيماء كانت تطالع نفسها بالمرآة وتحدث نفسها بقا كده يامنير تعمل كده فيا وانا الي كنت بدور علي عروسه لمنعم قوم انت تتجوز بس انا الي غلطانه ذنب خديجة ربنا يصبر قلبي ويغفرلي ويهدي جوزي يمكن يطلق الموكوسه الي خطفته مني بس انا مش هسكت لازمن اخرب عليها واخليه يطلقها... مش انا الي اسيبه يعمل عملته دي واسكت....
منعم ليه مستنتيش نروحوا سوا.
خديجه يوه ما قولتلك قولت اساعد اخواتي في الطبيخ ورقية كمان
منعم انا بحس اني من غيرك زي العيل الي مش لاقي امه
خديجه ياسلام يعني انا زي امك
منعم انتي امي وحبيبتي وروحي وكل حاجه ليا لما كنتي هتضيعي مني عرفت ان النفس الي بتنفسه من غيرك مش هقدر اتنفسه وعرفت ان الدنيا دي كلها لو انتي مش معايا انا مش عايزها وان بنات الكون كله في عيني ولا حاجه وكأنهم سراب بس انتي الي بشوفك بقلبي وبعيني ربنا يخليكي ليا ياخوخه
منعم وحشتك يابت
خديجة يوه بقا يالا سلام انت رغاي قوي
منعم سلام ياقلب قلبي
رقية عيني ياعيني ايه ده كله
خديجة يوه انتي كمان يالا بقا زمان يونس جاي بالمأذون
رقية ايه ده يونس بيرن عليا يالهوي جاي عالسيرة هههههههههههه
رقية ضړبتها بالمخده امشي وخدي الباب في ايدك
خديجه هههههههههه ماشي
رقية السلام عليكم
يونس وعليكم السلام بس ايه الرسميه دي مفيش ازيك يايونس ولا حتي وحشتني
رقية الله بقا متكسفنيش امال
يونس عارفه انا من امبارح منمتش من الفرحه اخيرا جه اليوم الي تكوني فيه مراتي وكمان برضاكي
يونس ېخرب بيت التواضع هههههههههه بس اقولك حاجه انتي زي العسل باللي انتي لابساه ده
رقية وقد كانت ترتدي فستان حمالات لم تكن قد استكملت ملابسها يالهوي انت شايفني ازاي
يونس ههههههههههه متتخضيش بس انا قصدي ان اي حاجه بتلبسيها بتكون حلوة عليكي
رقية حرام عليك يايونس خضتني
يونس سلامتك ياقلب يونس من جوه ربنا يخليكي ليا واقدر اسعدك وافرحك يارب الا قوليلي انتي حاسه باايه فرحانه ولا متاخده ولا نفسك تهربي بجلدك ههههههههه
رقية اقولك ايه بس...
يونس قولي الي حساه كله انا سامعك وكأني شايفك قدامي
رقية بص يايونس انا لما كنت بشوفك كنت بحس باآمان كده وبراحه من قبل موضوع الجواز لانك كنت دايما واقف فضهري ولما بابا فاتحني في موضوع جوازنا انا خفت رغم اني كنت كل ما اصلي اقول يارب لو في خير طمني ليه وقربني منه اكتر وده الي حصل انا حصلتلي حاجات كتير قربتك مني تعبي والحړق وكل التفاصيل دي خلتني ادي قلبي فرصه بس الصراحه وانت مع ورده انا مكنتش قادرة احس بحاجه نحيتك ولما جيت وصارحتني انا لقتني عايزة اقرب منك ويوم ورا يوم في رابط بينا حسيته بيقوي بس انا.....
يونس بس ايه قولي...
رقية انا انا يعني لما هبقي معاك بعد شويه انا انا مش قادرة اقول
يونس خلاص خلاص فهمتك بصي يارقية انا بحبك وقولتلك اني مش بس هحميكي من اي حد انا بوعدك احميكي حتي من نفسي وانا مش عايزك تقلقي من حاجه طول ما انتي معايا وانا علي كد ما اقدر وزيادة هقدرك واقدر احساسك المهم ربع ساعه وانزلي هتشوفي المفأجاة الي وعدتك بيها وانا متأكدانها هتعجبك قوووي
رقية بجد يايونس طالما متأكد كده يبقي اكيد هتعجبني ربنا يخليك ليا يارب
يونس يالا بقا اجهزي بسرعه
وفي سيارة سعد كانت معه مفأجاة يونس والتي لم يتوقعها احد علي الاطلاق وكانا قد وصلا لمنزل الحاج فاروق و يونس في انتظارهم بشغف مرحبا...
يونس اهلا اهلا رقية هتفرح قوووووي
الحاجه سعاد متفاجئه مين يايونس
فاطمهمين ياتري
زينب والله ما عارفه
خديجة ولا انا اعرف والله ما اعرف متبصوليش
رقية وهي تهبط الدرج ولما شاهدت الضيفه وقفت ساكنه مصدومه روفيدة
اختي ياااااااااه
احتضنا بعضهم البعض كثيرا بدموع الفرحه والاشتياق
روفيدة وحشتيني ياروكا وحشتيني اوووووووي
رقية وانتي كمان وحشتيني انتي جيتي ازاي انا مش مصدقه كل السنين ده مشوفكيش
يونس ايه رآيك في مفأجئتي ياروكا
رقية دي احلي مفأجأة فحياتي يايونس بس برضه ازاي قدرت توصلها وتجيبها
يونس انتي مستهونه بجوزك ولا ايه انا اعرف اجيبلك لبن العصفور لو حبيتي المهم فرحتك هسيبكم مع بعض عشان المأذون في المنضرة والرجالة الغدا ياحاجه يالا يابنات سيبوا الاخوات سوا شويه
وبعد الترحيب بروفيدة من الجميع صعدت مع رقية لغرفتها
رقية انا مش مصدقه اني شيفاكي ازيك وازي جوزك والعيال وليه مجوش معاكي
روفيدة ياستي انا قدرت اجي بس الولاد وابوهم مرتبطين بحاجات مقدروش يجوا بس قريب هينزلوا.
رقية طب ازاي يونس وصلك
روفيدة شكله عرف ارقامنا من السفارة وكلمني انا وجوزي وحكالي كل الي حصل من ساعه ۏفاة جوزك وقالي انه عايز يفرحك وحجزلي وجهز كل حاجه عشان اجيلك وبعتلي صاحبه المطار وجابني علي هنا عشان افاجئك واكون معاكي كده كام يوم
رقية انا مبسوطه قوي مش عارفه اقولك ايه وحشتيني جدا
روفيدة شكل يونس ده بيحبك اووووي ياروكا
رقية يونس ده نعمه من ربنا ليا ولبناتي بس انا خاېفه
روفيدة ليه ياحبيبتي خاېفه من ايه بس
رقية خاېفه مقدرش اسعده زي ما هو بيسعدني كده
روفيدة هو شكله حد كويس ومحترم وبيحبك وبحبه ليكي هتقدري تحبيه وبعدين اقلعي الي انتي لابساه ده انا جيبالك حاجه تركي تجنن اقلعي الي انتي لابساه ده
واخرجت روفيدة فستانا من اللون الذهبي مع اللون الاسود وطرحه ذهبية ابرزت جمال رقيه اكثر واكثر
رقية واو ايه الجمال ده
روفيدة نزلت جبتهولك وقلت ليونس يبعتلي صورة تكون جديدة ليكي بعتلي صور الخطوبه ولقيت ده قلت يارب يعجبك وما شاء الله انتي قمر
رقية وقد احتضنت اختها بجد ربنا يخليكي ليا ياغاليه
ما ان تجهزت رقية حتي طرقت خديجة الباب مستئذنه
رقية اتفضل
خديجة واو ايه الجمال ده الله اكبر عليكي اتاري يونس لابس بدله بكرافته دهبي كمان عيني ياعيني
رقية وقد رمقت روفيدة بنظرها لانها فهمت انها قد اتفقت مسبقا مع يونس
روفيدة يعني قلت لازم اقوله وكده
رقية ماشي
خديجة يالا ياعروستنا بيندهوا عليكي عشان تمضي علي كتب الكتاب
اصر يونس علي عمل قائمه بمبلغ كبير وموخر صداق رغم معارضة رقية ولكنه همس لها قولتلك هجبلك حقك حتي مني وده حقك
مع كل كلمة تخرج من المأذون كان قلب العاشقان يدق اعلي واعلي مع فرحه وخوف وتوتر من رقية فاق خۏفها عند زواجها الاول سرحت ثم افاقت علي قول المأذونبارك الله لكما وبارك عليكما وجمع بينكم في خير
هنائهم الجميع مع الدعاء لهم حتي بناتها كانوا في سعادة عارمه فيما عدا الحاجه سعاد والتي كانت تطل پحقد ثم همست لفاطمه خلاص دبست الواد وخدت عقله وجابلها اختها مخصوص
فاطمه ياما افرحي وباركيلهم هو مبسوط كده فخلاص
الحاجه سعاد بكره نقعدوا عالحيطه ونسمعوا الزيطه
الحاج فاروق مبروك ياولاد زغرطي يابت
الحاجه سعاد بس يابت بلا تزغرط
الحاج فاروق انا قلت تزغرط دا واد فاروق السوهاجي وفرحته مش هتكون كتيمي واصل شغل ياآدم الاغاني وارقصوا وهيصوا بكفيانا حزن علي الي راح
آدم بتحمس عنيا يابوي
يونس مبروووك ياقلبي
رقية بخجل الله يبارك فيك
تعالت الانغام وسط فرحة الجميع ورقص يونس مع رقية علي نغمات هادئه رومانسيه في داخل المنزل وتحمست خديجة ومنعم وكذلك احمد وزينب وشاركوهم الرقص الهادئ وكان هناك من ينظر لزينب نظرات خاطفه بالطبع سعد والذي كان يتمني ان يشاركهم تلك الفرحه ولكن كل شيء بميعاد
انقضي اليوم علي خير وحان الوقت الأصعب علي رقية حينما جاء وقت الانفراد بينها وبين يونس ولكنها فوجئت بكلام يونس......
........
الفصل الثامن عشر
هناك علاقه تنهي الحياة وهناك علاقه تبتديء معها الحياة وهناك حياة علي هيئة بشړ فياليت نجد لنا حياة.....
والي قالوا انتي مني
والي سمعوا حكاوي عني
اني عاشق وفيكي دايب
يعملوا ايه لو شافوا قلبي
انتي ليا كل شيء
وانا بيكي ببقي شيء
يالي روحي جوه منك
يالي عندي بكل شيء
يونس بقولك حضري هدومك عشان هنسافر الفجر
رقية نسافر فين يايونس بس
يونس هنسافر الغردقة ولو تحبي اسكندرية ولو تحبي برا مصر انا عايز اكون معاكي وبس
رقية ياه يايونس اد كده نفسك تفرحني
يونس هو انتي لسه شفتي حاجه
يونس بصي ياست الكل انا عارف انك بتحبيني وطبعا مش محتاج اقولك اني بحبك ومش عايز غيرك في دنيتي بس انا مش هقرب منك غير لو اتي حسيتي انك جاهزة للخطوة دي انا آخر حاجه ممكن افكر فيها هي الحاجه دي انا يكفيني اصحي اطل في وشك الي كيف البدر ده واسمع صوتك الي زي كروان الفجر واحس بنفسك معايا في الأوضه ومش هطلب حتي انام جمبك غير لو انتي قابله ده انا هاخدك واسافر كام يوم عشان نكونوا سوا بعيد عن اي حد عشان تقدري تعرفيني اكتر ومټخافيش مني
رقية بس انا مش خاېفه منك انا بس مش
جاهزة
نفسيا لكن والله انا بحبك يايونس بحبك اووووي كفاية عليا حنيتك دي هعوز ايه تاني بس
يونس ربنا يخليكي ليا ياست البنات ياغالية ومن هنا ورايح مش هوعدك اني احبك تاني
رقية پخوف بتقول ايه!
يونس ايوة لاني هبطل وعود وهوريكي الحب واخليكي تعيشيه معايا بحبك قوووووي يالا بقا ادخلي غيري هدومك في الحمام وانا هقعد استناكي عشان نصلوا سوا وبعدين ناكلوا ماشي ياعروسة
رقية بفرحه وحب ماشي ياحبيبي
يونس قولتي ايه
رقية بقول ماشي
يونس لا التانيه
رقية وقد احمرت وجنتاها يوووه بقا
يونس طب وحيات يونس لتقوليها
رقية حبيبي
يونس ايوة كده خليني اعيش واحس
