رواية رائعة بقلم الكاتبة فاطمة ابراهيم

عزيز باشا ماله!! 
داليدا أطلبي الأسعااف بسرعاااه 
في المستشفي بعد ساعة 
داليدا وسعاد واقفين في إتجاه قدام باب العناية المركزة وسيف واقف قصادهم الناحية التانية سرحان وباصص في الأرض فجأة لقي صوت بينادي عليه من بعيد بص لقاه إسلام ومعاه مراد ومعاهم بنت شعرها قصير بني لابسه جيبة قصيرة ع تيشرت كت وماسكة جاكت ع دراعها 
اتعدل سيف بصلهم بستغراب إسلام وزينة!! 
إسلام بقلق في أيه ي سيف جدي ماله حصله أيه! 
بستغراب أنت جيت أمتي وعرفت أزاي أننا هنا 
جدك كلمنا من يومين وقال عاوزنا ضروري فيه خبر مهم عاوز يقولنا عليه جيت أنا وزينة ع طول و أول ما أوصلنا العزبة عرفنا أن جدي تعب ونقلتوه المستشفى كلمت مراد وقولتله ع العنوان وجبنا ع هنا 

بصلها إسلام پغضب فبصت زينة في الأرض 
باب العناية فتح وطلع الدكتور فقربوا كلهم منه بسرعة 
سيف بتوتر ايه ي دكتور طمنا جدي عامل ايه دلوقتي
بتأثر أحنا عملنا إلا علينا بس للاسف لما جه كانت ضربات القلب ضعيفه جدا عملناله إنعاش للقلب وحاولنا ع قد ما نقدر نوسع الشرايين علشان الډم يوصل للمخ بصورة طبيعية بس جدك حصله صدمة عصبية ومع كبر سنه عملتله جلطة ودا إلا مقدرناش نعمل فيه حاجة للأسف عزيز باشا مش هيقدر يقف ع رجليه تاني 
پصدمة برق سيف للدكتور أيييه!!! 
زينة بحزن Oh my god ي حرااام مسكين ي جدو 
حطت داليدا إيديها ع بؤقها پصدمة ڠصب عنها نزلت دموعها لما أفتكرت منظره وهو بيترجي سيف ميسبهوش عيطت لأنها عمرها ما حست بحنان أب أو جد عمرها ما شافت حد متمسك بيها أوي كدا سند ليها يعمل علشانها أي حاجة عرفت وقتها أن الفقر مش بس فقر فلوس دا فيه فقر أبشع من فقر الفلوس وهو فقر المشاعر والحنية والحب برغم من أن إلا حصل ل عزيز دا إلا ممكن يكون حقها إلا ربنا بعتهولها علشان ظلمها بس هي عمرها ما كان عندها النقص إلا يخليها تشمت في حد حتي لو كان الحد دا أذاها 
إسلام بتفاجئ لأ مستحيل دكتور أحنا ممكن نسفره برا أي مكان بس جدي يبقى كويس 
للأسف هنا زي برا مفيش فرق المشكلة مش حكاية فلوس أو إمكانيات دي جلطة سببتله شلل في رجليه كل إلا هنقدر نعمله أننا هنحاول نمحي الجلطة دي بالأدوية ونحافظ أنها متنقلش في مكان تاني ودا طبعا بأنكم تبعدوه عن أي زعل أو صدمات 
نزلت دموع سيف ڠصب عنه لانه عارف أن دا كله بسببه وبسبب عصبيته عليه بس حاول يتماسك طيب أحنا ينفع نشوفه ي دكتور 
يفضل تسبوه يرتاح شويه الأول وبالليل في معاد الزيارة تقدروا تشوفوه 
سيف بتصميم أرجوك ي دكتور خمس دقايق بس أشوفه وهطلع ع طول 
طيب بس ياريت محدش يجهده في الكلام 
دخل سيف وإسلام وزينة وفضلت سعاد وداليدا ومراد برا 
زينة وإسلام ألف سلامة عليك ي جدو 
بصت زينة ل إسلام بستغراب من حالتهم فتكلم عزيز

بصوت خاڤت متقطع س سبوني مع سيف ل لوحدنا 
طلع إسلام وزينة برا بصت زينة ل داليدا من فوق لتحت فقالت ل سعاد أزيك ي داداة عاملة ايه
الحمد لله ي ست زينة الحمد لله على سلامتك أنتي وإسلام بيه 
ردت بكبرياء Thanks أنتي ي ااا
ردت سعاد بإبتسامة دي تبقي ال...
قاطعتها زينة وهي مكتفة إيديها أيه ي دادة هي ملهاش لسان تتكلم ولا أيه 
رفعت داليدا رأسها وقالت داليدا أسمي داليدا
مدت زينة إيديها بالجاكت بتاعها خدي الجاكت دا وروحي ع الفيلا حضري الغدا مع الخدم هناك لحد ما نيجي ملكيش شغل هنا تعمليه 
بصتلها داليدا بغيظ وهي بتردلها الجاكت بتاعها أظن لو روحتي أنتي وبلغتي الخدم بنفسك يبقي أفضل أنا فعلا مليش شغل أعمله هنا ولا حتي في الفيلا عن أذنكم 
رفعت زينة حاجبها أيه قلة الأدب دي خدامة وبجحة كمان عاوزة تاخدي فلوس من غير ما تشتغلي! 
شهقت سعاد وقالت بسرعة ي ست زينة دي تبقي الست هانم مرات سيف بيه 
برقت زينة بفزع أيييه مرات مين !!!!! 
ألتفت إسلام ع صوتهم في أيه ي زينة مالك 
بلعت ريقها پصدمة م مش معقول إلا مشيت دي تبقي مرات سيف !!
إسلام پصدمة نعم سيف اتجوز!!
في أوضة العناية 
سيف بعياط جدي أنا أسف حقك عليا أنا مكنتش أعرف أنك هتتعب كدا عصبيتي خلتني زي الأعمي مش عارفه بعمل ايه ولا بقول ايه 
رفع عزيز إيده ببطئ وهي بترتعش وملس ع رأس سيف ب بس ي سيف م متعيطش أنا كويس ي حبيبي متقلقش صدقني يابني بكرا تعرف أن محدش كان بيحبك قدي 
باس سيف إيده وبصوت مهزوز من العياط سامحني ي جدي أنا السبب في أنك تتعب بالشكل دا سامحني ع كل كلمه قولتها علشان خاطري 
أسمعني كويس ي سيف ل لو عاوز فعلا تثبتلي أنك بتحبني تسمع كلامي أنا كلمت إسلام وزينة علشان ييجوا من لندن مخصوص علشان كح بتعب 
أرتاح ي جدي ملوش لازمة الكلام دا دلوقتي 
أسمع إلا هقولك عليه ي سيف أنا جبتهم هنا علشان يعرفوا أنك أتجوزت وأن حقك وميراثك هيبقي ل اولادك عارف أنك مش بترتاح في إسلام بس لازم تثبتله أنك قوي وفاهم في شغل البيسنيس علشان يعملك ألف حساب قبل ما يفتكر أنك لقمة ساهلة وياخد منك حقك فاهم 
جدي أنا مش عاوز فلوس ولا يهمني يفكروا أزاي أنا مش عاوز غير أنك تقوم بالسلامة وتنور البيت تاني 
كح عزيز جامد وضربات قلبه زادت أسمع إلا بقولك عليه ي سيف داليدا لازم تفضل معاك والكل يعرف أنكم متجوزين وعايشين مع بعض في سعاده وتاخدها فرصة وهما هنا وتقسموا الشركة وكل واحد ياخد نصيبه دول بقالهم سنين بياخدوا من أرباحك
حاضر ي جدي لو دا هيريحك هعمله 
الدكتور دخل 
كفاية كدا ي أستاذ جدك لسه تعبان أتفضل 
باس سيف رأسه ألف سلامة عليك ي جدي 
مسح دموعه وطلع بص لقي الكل موجود ماعدا داليدا 
بص لسعاد بستغراب هي راحت فين! 
زينة بغيظ يعني مقولتش أنك اتجوزت ي سيف أيه نسيت أنك ليك عيلة و ولاد عم! 
إسلام بتريقة ويقولنا ليه ما هو مش معترف بوجودنا أصلا عنده ولا بيكبر لحد 
تجاهلهم سيف وكرر سؤاله فين داليدا ي سعاد!! 
طلعت يابني من شويه مش عارفه راحت فين 
بعصبية طلعت راحة فين !!
مش عارفه يمكن راحت تجيب حاجة وجاية 
طلع سيف جري ع برا المستشفي بسرعة علشان يحصلها 
زينة بتأفف أنا راحة التواليت 
بعدها بثواني قال إسلام أنا ااا أنا هروح أجيب قهوة من coffee corner وجاي 
مراد تحب أجي معاك 
لا خليك أنا جاي ع طول 
مشي إسلام بسرعة ورا زينة راح ع حمام السيدات استني لحد ما اتأكد أن مفيش حد جوا غير زينة دخل بسرعة وقفل الباب 
زينة بزهول أنت أتجننت أزاي تدخل هنا 
بوجه غاضب سيبك من التفاهة دي دلوقتي ايه مش شايفه المصېبة إلا أحنا فيها ولا أيه! 
بعصبية شوفت أتجوز واحدة عاملة أزااي دا أنا مرضاش أشغلها عندي مساعدة حتي 
بقولك أيه اسمعيني كويس الشركة دي من حقي أنا ... أنا إلا بشتغل فيها وبكبرها وسيف بيه نايم في العسل ب شرب الخمړة والستات وذكريات أمه المصونة أنما هيفوق علينا ويطلع متجوز ومغفلنا وييجي ع الجاهز يقول عاوز حقي وفلوسي دا أنا أدفنه مكانه ولا أنه ياخد سهم واحد في الشركة دي 
پغضب وهي باصه بعيد وسرحانه أنتم السبب قولتلك أنت وعمي زمان أني بحبه وعاوزة أتجوزوا وأنت وعمي إلا قولتولي أنه مش طبيعي وخۏفتوني منه كان زماني دلوقتي معايا نصيبه دا ليه أكتر من نص الشركة ي ذكي يعني أكتر من نصيب كل واحد فينا مش عارفه حب فيها أيه المقرفة دي!! 
قبض إسلام ع إيده پغضب وجز ع سنانه سيبك من الكلام إلا ملوش لازمة دا وفتحي دماغك معايا البت دي لازم تبعد عنه بأي شكل من الأشكال وسيف لازم يرجع لنفس التوهة إلا كان فيها دي تاني أنا مش أبقي برا وبدفع فلوس للبهايم إلا هنا علشان يراقبوه ويطفشوا البنات إلا بيقربوا منه وكمان بدفع حق دوا الهلوسة ومسببات الاكتئاب للبنات دي علشان أطفشهم وأجي في الاخر تقولولي أتجوز!! 
نكلم عمو شريف باباك نقوله وهو يشوف هنتصرف أزاي ولا نعمل أي....
حط إيده ع بؤقها بسرعة ششش شاورلها ناحية الباب أن فيه حد بيراقبهم 
مشي بخطوات ثابتة ناحية الباب وفتح مرة واحدة وفجأة .... 
يتبع
البارت
حط إيده ع بؤقها بسرعة ششش 
شاورلها ناحية الباب أن فيه حد بيراقبهم مشي إسلام بخطوات ثابتة ناحية الباب وفتح مرة واحدة بص بس ملقاش حد 
زينة بقلق فيه حد سمعنا!! 
خد نفس بارتياح لأ مفيش يظهر أن حد كان معدي من هنا بس بقولك إيه أحنا لازم نفكر في خطة نطلقهم بيها في أسرع وقت وأنتي تخفي كلام وأحضان في الزفت سيف دا أحنا مش في لندن هنا ي روح أمك 
بستغراب So what يعني لو في لندن عادي! 
تتحرقوا أنتم الاتنين ميهمنيش بس أنتي من النهاردة هتبقي خطيبتي وانا بقي مش مركب قرون علشان أستحمل مسخرتك دي كل شوية 
برقت زينة پصدمة What!!! Tell it again 
ششش هتفضحينا أخرسي أحنا لازم نقرب منهم علشان نعرف عنهم أكتر ونشوف العلاقة بينهم كويسة ولا فيها مشاكل علشان نعرف هندخلهم من أنهي أتجاه ودا مش هيحصل غير لما يطمنوا لينا الأول 
مفهمتش برضو وأيه علاقة كلامك دا بأننا نرتبط ! 
بزهق ما يالا بينا نقعد هنا ونطلب اتنين شاي وأشرحلك الخطة كلها 
No you Know أنت عارف مبحبش الشاي عاوزة الكوفي أدرينك بتاعي 
جز ع سنانه فرجعت لورا پخوف خلاص مش عاوزة 
طلع إسلام

بسرعة بحذر وراح تاني عند العناية لقي مراد لسه واقف بستغراب أيه دا سيف لسه مجاش ! و داداة سعاد راحت فين هي كمان 
مراد بتلقائية قالت أنها رايحة ال... أهي جت 
بصلها إسلام بستغراب لما لقي وشها مخطۏف كدا وعماله تفرق في إيديها مالك ي دادة في أيه كنتي فين!
بتوتر ك كنت برا بشوف سيف بيه والست داليدا بس مش لقياهم أنا قلقت عليهم أووي 
جت زينة فقالت بزهق جماعة أنا بجد ھموت من الجوع يالا بقي نروح هو جدو مش هيعرف ييجي لوحده! 
برقلها إسلام فبصت الناحية التانية وسكتت وهي بتنفخ أنا هروح أستفسر من الدكتور عن حالة جدي بالظبط ومعاد خروجه وبعدها نروح ونبقي نرجع تاني بالليل 
في نفس الوقت كان سيف برا بيدور و يلف ع داليدا في كل مكان