رواية رائعة بقلم الكاتبة سحر فرج
يا هانم رديتى وعبرتينى
نور معلش يا سيف والله ما كنت سمعتها خالص اصلى كنت بشترى شويه حاجات
سيف حاجات ايه وايه الكلام اللى انا سمعته ده
انتى هاتسبينى يا نور وتتجوزى يوسف
للدرجه دى انا طلعت اكبر حمار ومغفل
سبيتينى علشان فلوسه وعزه وعربيته والفيلا والنادى
سيف حاجه ايه يا نور قوليلى أنى غلطان
قوليلى أنى حمار ومش وفاهم غلط
ده انتى الوحيده اللى كنت اتمنى تكونى جنبى فى ۏفاة ابويا وتواسينى وتطبطى عليا
نور سيف ارجوك اوعى تفهمنى غلط ومسيرك فى يوم تعرف الحقيقه
واحلفلك أنى ما اعرفش أن والدك توفى غير منك انت دلوقتى
بس اهم حاجه اوعى تظلمنى وتفهمنى غلط زى ما بتقول كده
وارجوك انسانى وانسى أنى كنت حبيبتك فى يوم من الايام
سيف فعلا انا هانساكى وهاخلع قلبى وارميه لو فكر فيكى تانى يا اقذر انسانه عرفتها فى حياتى
سيف اه نسيت اباركلك الف مبروك يا عروسه وقفل التليفون فى وشها
نور ابدا يا ملك اصل افتكرت تعب ماما وحالتها واد ايه انا خاېفه عليها من موضوع العمليه ده
ملك خادتها فى حضنها وصعبت عليها وطمنتها أن مامتها هاتقوم بالسلامه
راح سيف على بيته ودخل وسلم على امه وباس ايديها وسلم على مى وجنه بنت خاله
سيف ابدا يا امى ما فيش حاجه انتم عاملين ايه
مى كانت فاهمه اخوها
اكتر وحست واتاكدت أن سيف فيه حاجه مش طبيعيه بس حبت تطمن مامتها وقالت لها انه كده بسبب مۏت بابا
استأذن سيف ودخل على أوضته وبعد شويه دخلت مى واتكلمت معاه وهو ما صدق أنه يتكلم أو يحكى مع حد وحكى لأخته على كل اللى حصل بينه وبين نور
مش هى دى نور اللى انت حكتلى عليها ومش هى دى نور اللى انت وهى بتحبه بعض
اكيد فى حاجه غلط
جنه كانت واقفه فى البلكونه المشتركه بين اوضه مى واوضه سيف وسمعت كل الكلام اللى هو قاله لمى
وبدأت ټعيط لأنها بتحب سيف من وهما صغيرين وكان نفسها أنه يحس بيها وبحبها ده ليه
ملك عدت على نور الصبح بالعربيه علشان يروحوا البيوتى سنتر بعد ما اتخانقت هى ويوسف علشان كان هو اللى عاوز يوديهم
وبعد شويه وصلوا على البيوتى سنتر وبدأ يجهزوا نفسهم
وبعد ساعات
كانوا خلصوا ولبسوا فساتنهم وكانوا طالعين زى القمر هما الاتنين
ملك مالك يا نور فى ايه حاسه انك حزينه ومش فرحانه ليه ولا خاېفه من الجواز
نور ابتسمت لها بكسرة حزن وقالت لها لا ابدا مفيش حاجه يا ملك
شويه وتليفون ملك رن وكان يوسف خلص لبسه وحب يشوفهم هما خلصوا ولا لسه
ردت عليه وملك وقالتله انهم فعلا خلصوا ومفيش غير التاتش الاخير لنور
فرح يوسف وقفل مع أخته وخد بعضه ونزل على تحت
نهله اول لما شافته فرحت بيه وباركتله وأبوه كمان كان فرحان بيه
يوسف لو سمحت يا بابا ما تنساش تعدى على ام نور واحمد اخوها وتجبوهم معاكم على القاعه
الاب طبعا يا ابنى انا عامل حسابى فى كده
شويه وكان الكل وصل على القاعه وكانوا مستنين وصول العريس والعروس
وصل يوسف بالعربيه بعد ما عدى على محل الورد وزوق العربيه
وصل يوسف ودخل على جوا وكانت ملك فى استقباله
يوسف ايه ده ايه ده
انتى مين يا انسه انتى شبه اختى ملك ما شوفتهاش لو سمحتى
ملك لا والله للدرجه دى انا مختلفه وطالعه حلوة وامورة علشان تعرف بس يا رخم أنى حلوة
يوسف رخم يبقى انتى ملك اختى بلسانك الطويل ده اللى عاوز قصه
يوسف سألها على نور وملك قالت له انها لسه مخلصه وراحت علشان تجبها هى ويوسف
نور كانت واقفه بفستانها الابيض والتاج اللى فوق راسها وشعرها اللى على شعرها وكانت عامله زى سندريلا فى قصص الاطفال او ملكات الجمال
مع صحابهم وقرايبهم فى العربيات
ووصلوا لحد القاعه
يتبع
وصلت عربيه العروسه والعريس اودام اكبر الفنادق اللى هايقام فيها الفرح وكان فى استقبالهم اكبر زفه للعروسين
فتح يوسف باب العربيه ونزل ولف اودام باب نور وفتح باب العربيه ومسك ايد نور
نزلت نور وهى ماسكه ايد يوسف والكل بدأ يزغرت والكل كان فرحان لاجمل عروسه وعريس
ملك كانت واقفه جمب نور وكانت جميله جدا وطالعه زى القمر والكل كان بيبص على جمالها هى ونور
